Muzikë bullgare në interpretim të orkestrave të Radios Kombëtare Bullgare do të transmetojnë njëkohësisht 11 institucione kulturore bullgare në Evropë me rastin e festës së kulturës bullgare 24 maj.

Koncerti i posaçëm do të fillojë në orën 12.00 sipas orës lokale në Bullgari me himnin “Ec, o popull i rilindur”. Në koncert janë përfshirë interpretimet e Korit të Fëmijëve të Radios, grupit vokal “Radiofëmijët”, “Big Band”-it dhe Orkestrës për Muzikë Popullore.

Koncerti do të transmetohet në të gjitha platformat e institucioneve kulturore bullgare në Varshavë, Vjenë, Bratislavë, Berlin, Budapest, Londër, Moskë, Paris, Pragë, Romë dhe Shkup.

Në situatën e pandemisë komunitetet bullgare dhe miqtë e Bullgarisë do të mund së bashku të shënojnë ditën e kulturës sonë dhe shkrimit sllav, duke shijuar muzikën virtuoze të muzikantëve të BNR-së.

Projekti do të realizohet nën patronazhin e Ministrisë së Kulturës.