Bullgarët, të cilët hyjnë në territorin e Greqisë tashmë nuk do të duhet t’i nënshtrohen karantinës 14-ditore, bëri të ditur Drejtoria e Përgjithshme “Policia Kufitare”. Përmes Pikave të Kalimit Kufitar “Kullata”, “Ilinden”, “Makaza”, “Kapitan Petko Vjovoda” dhe “Ivajllovgrad” në Greqi mund të hyjnë dhe shtetasit e BE-së për të cilët gjithashtu nuk është parashikuar karantinë, por secili udhëtar i zgjedhur rastësisht mund t’i nënshtrohet testimit. E mbyllur mbetet Pika e Kalimit Kufitar “Zllatograd - Termes”. Mbetet në fuqi ndalimi për hyrje në territorin e Greqisë të shtetasve të vendeve të treta. Trafiku është intensiv.

Hiqet dhe karantina për bullgarët, të cilët hyjnë në Rumani. Trafiku në pikat kryesore të kalimit në kufijtë me Rumaninë, Turqinë dhe Serbinë është normal.

Është ndaluar hyrja në territorin e Maqedonisë së Veriut e shtetasve të huaj, të cilët udhëtojnë me automjete dhe autobusë. Në drejtim të Maqedonisë së Veriut mund të hyjnë vetëm shtetasit e saj, të cilët pastaj detyrimisht duhet të vetëizolohen për 14 ditë. Kjo mund të bëhet vetëm në PKK “Deve Bair –Gjueshevo”. Dalja e shtetasve të huaj nga Maqedonia e Veriut në drejtim të Bullgarisë gjithashtu bëhet vetëm në PKK “Deve Bair –Gjueshevo”. Të ashtuquajturat korridore të gjelbra përdoren për të gjitha mallrat që transportohen mes Maqedonisë së Veriut dhe Bullgarisë e kjo do të thotë se pa pengesa udhëtojnë maunat dhe kamionët për transportimin e mallrave dhe materialeve.