Në orën 16.00 të 15 qershorit ishin hequr paraprakisht masat për kufizimin e lëvizjes nga dhe deri në fshatin Izgrev, afër qytetit verior bullgar Shumen. Vendimi për këtë ishte marrë nga shtabi operativ vendor pasi ishin shpallur rezultatet e testimit të 300 vetave (gjysmë e popullsisë së fshatit Izgrev).

38 janë rastet e konfirmuara të koronavirusit në fshat, por ato nuk janë shpërndarë në të gjithë territorin e vendbanimit, por janë lokalizuar në tri rruga, ku karantina do të mbetet në fuqi. Pavarësisht nga protestat e vendasve masat parandaluese kundër koronavirusit mbeten në fuqi.

Vazhdon testimi i banuesve të bashkisë Kaolinovo, e cila ndodhet në po atë rajon të vendit, ku është regjistruar një vatër tjetër e sëmundjes, informuan autoritetet përgjegjëse.