Prokuroria e lartë administrative kërkoi kontroll të efikasitetit të masave kundër koronavirusit, që të vendoset nëse ka nevojë për masa të reja në lidhje me rritjen drastike të numrit të të infektuarve gjatë dy javëve të fundit.

Që nga ora 00.00 e ditës së martë mbajtja e maskave në ambientet e mbyllura publike bëhet e detyrueshme, bëri të ditur më herët sot Ministri i Shëndetësisë Kirill Ananiev.

Deri në fund të javës do të vendoset nëse do të mbetet gjendja e jashtëzakonshme epidemike në vend.

Po rritet kontrolli mbi respektimin e të gjitha masave kundërepidemike. Aktivitetet në ambientet e mbyllura do të zhvillohen me plotësimin deri në 50% prej kapacitetit të tyre. Mbajta e maskave dhe e mjeteve të tjera mbrojtëse është e detyrueshme, ndërsa gjatë zhvillimit të ndeshjeve të futbollit lejohet prania e 1000 vetave në një sektor, në rast se respektohet distanca fizike mes tyre, shtoi Ananiev.