Vendet nga Eurozona janë gati të përkrahin Bullgarinë dhe Kroacinë që të hynë në mekanizmin ERM-II, i cili është etapa paraprake para implementimit të euros, bëri të ditur Reuters, duke cituar burimet e veta në BE.

Vendimi është i sigurt, pasi dy vendet kanë marrë përkrahjen përfundimtare të ministrave të financave të Eurozonës dhe BE-së.

Të premten dhe të shtunën Eurofin do të zhvillojë një takim video dhe pritet se vendimi do të shpallet pas mbylljes së bursave apo gjatë fundjavës dhe në këtë mënyrë do të evitohen spekulimet.

Pasi dy vendet hyjnë në dhomën e pritjes së Eurozonë, pas 2 vjetësh pritet se mund të fillojnë përgatitjen praktike për aderim në Eurozonë. Jo më herët se 2023 mund të presim dhe përdorimin e euros në dy shtetet.