Nga 28 korriku turistët nga Moldavia, Serbia, Maqedonia e Veriut, Kuvajti, Kosova, Shqipëria, Bosnjë e Hercegovina, Mali i Zi dhe Izraeli do të hyjnë në Bullgari pas prezantimit të PCR testit negativ bërë 72 orë para ardhjes pa kaluar karantinë 14 ditore pas ardhjes në Bullgari. Për turistët nga Ukriana kjo masë hyn në fuqi nga 30 korriku.

Urdhri për këtë u nënshkrua nga ministri i shëndetësisë profesor Kostadin Angellov.

Me PCR test negativ mund të hyjnë në Bullgari edhe shtetas të vendeve të treta që mbërrijnë për punë sezonale, arsye humanitare, biznes.

PCR test nuk kërkohet për ata që mbërrijnë nga shtetet anëtare të BE-së, Mbretëria e Bashkuar, vendet e Shengenit, si dhe nga Algjeria, Australia, Kanadaja, Gjeorgjia, Japonia, Maroku, Zelanda e Re, Ruanda, Republika e Koresë, Tajlanda, Tunizia, Uruguai. Ata nuk do të vendosen në karantinë 14 ditore.