Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Piktura të Vladimir Dimitrov-Mjeshtri “gjallërojnë” në projektin digjital të Cvetomill Ivanovit

Për ne, bullgarët, pikturat e Vladimir Dimitrov-Mjeshtrit janë si një kujtim nga fëmijëria dhe një mësim i paharruar për patriotizmin nga libri shkollor. Ky është mbase piktori ynë më i dallueshëm dhe i njohur, i cili bën një përshtypje të fortë dhe i pari na tregon se cilat janë ngjyrat në Bullgari. Ai vazhdon të na emocionojë  në çdo moshë dhe në çdo etapë të jetës sonë. Një dëshmi për këtë është qëndrimi novator i një bullgari të ri, për nga profesioni projektues grafik, i cili na propozon një ekspozitë lëvizëse multimediale të krijimeve emblematike të Mjeshtrit. Autori i produktit jo tradicional multimedial “Arti i Mjeshtrit” është 28 vjeçari Cvetomill Ivanov nga Sofja. Në sajë të mjeshtërisë për të përdorur mjetet e animimit, pamjet e dala nga furça e krijuesit, sikurse gjallërojnë përpara nesh. Ato me lehtësi largohen nga korniza dhe madje buzëqeshin në mënyrë enigmatike. Disa për shembull marrin frymë, kurse mbi pëlhurat e tjera shikojmë sesi turfullon era. E gjithë kjo është fryt i imagjinatës së Cvetomillit dhe është e arritur përmes një “ndërhyrjeje” modeste mbi kopjet e digjitalizuar të tetë prej pikturave të Vladimir Dimitrov-Mjeshtrit. Përmes mjeteve shprehëse të dizajnit grafik, ai e drejton vëmendjen e spektatorit ndaj idesë bazë të autorit në piktura. Përveç kësaj në prezantimin e vet Cvetomill Ivanov i ka bashkuar pikturat me tekst në gjuhën bullgare dhe në gjuhën angleze.

Tregimi e drejton spektatorin drejt humanizmit, me të cilin është e përmbushur krijimtaria e piktorit, drejt njeriut dhe natyrës të cilat në pikturat e Mjeshtrit gjithmonë janë bashkë dhe në harmoni. Që të mund të ilustrojë më mirë thelbin shpirtëror të krijuesit, Cvetomill Ivanov shton dhe një kujtim i cili shpesh paraqitet si pikturë në krijimtarinë e Mjeshtrit:

Digjitalizimi i pikturave të piktorit tonë të njohur për Cvetomill Ivanovin është një mundësi të ikë nga situata e krijuar rreth pandemisë së Covid-19 dhe masat kufizuese, por po kështu dhe mënyrë, në bazë të së cilës të mund të afrohet deri tek arti i piktorit të madh e të njohur bullgar. “Mes krijimeve, të cilat i kam animuar është dhe një autoportret i tij, portret i nënës së tij dhe një pikturë nga cikli “Dasma”, në të cilën ka pikturuar puthjen e dorës - shënon Cvetomill dhe shton:

“Përgjithësisht tetë krijime marrin pjesë në videon time. Informacioni i cili i shoqëron është krejtësisht i vërtetë. Është përdorur tekst nga albumi, i krijuar nga kritikja e artit Jonka Koceva , i botuar gjatë viteve 70 të shekullit të kaluar. Tekstet e saj tërheqin vëmendjen dhe sot. Kur më ra në dorë nuk mundja të pushoj së lexuari, sepse në album gjerësisht qe prezantuar krijimtaria e Mjeshtrit. Një nga gjërat, të cilat më shtynë të krijoj animim është mungesa e librave dhe të materialeve sot, të lidhura  me personalitetin dhe krijimtarinë e Mjeshtrit. Pasi vizitova galerinë, ku janë eksponuar pikturat, kërkova të blej literaturë, por mjerisht, një i tillë nuk qe botuar prej kohe. Një problem i ngjashëm ekziston dhe me informacionin për piktorë të tjerë të mëdhenj bullgarë. Prandaj do të vazhdoj të bëj video-animime të ngjashme me piktura edhe të autorëve tanë të tjerë”.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Një gërshet kulturash: Kur fjala shqipe flet edhe bullgarisht

Në zemër të Sofjes, në ndërtesën prestigjioze të Universitetit “Shën Kliment Ohridski”, u shpalos një copëz shpirti shqiptar. Bëhet fjalë për prezantimin e romanit “Gërsheti i prerë” nga shkrimtarja e njohur Majlinda Bregasi – një zë i fuqishëm i..

botuar më 25-10-07 10.45.MD

“Medea” e Teatrit Kombëtar fitoi çmimin e madh në një festival në Shkup

Shfaqja e Teatrit Kombëtar “Medea” fitoi çmimin “Grand Prix” në edicionin e 19-të të Festivalit “Skupi” në Maqedoninë e Veriut, njofton trupa e teatrit. Vepra është krijuar enkas për teatrin nga duoja ndërkombëtarisht i njohur, regjisori Dekllan..

botuar më 25-10-06 5.25.MD

Shkrimtarja e njohur nga Kosova Majlinda Bregasi prezanton në Sofje romanin e saj “Gërsheti i prerë”

Më 6 tetor, në orën 17:00, në Universitetin e Sofjes "Shën Kliment Ohridski" do të mbahet një takim me Majlinda Bregasin, një nga zërat më të spikatur të letërsisë bashkëkohore nga Kosova, na informojnë organizatorët. Ajo do të na prezantojë..

botuar më 25-10-04 6.05.PD