Ditën e 34-të të protestave antiqeveritare mbeten bllokimet e dy udhëkryqeve kryesore në kryeqytet – para Këshillit të Ministrave dhe te Ura e Shqiponjave. Dita e 33-të e protestave në Sofje kaloi qetë. Para reporterëve të Radios Kombëtare Bullgare protestuesit theksuan se vendi ka nevojë për ndryshime radikale. Ata janë në pritje të vendimit të kryeministrit, për të cilin ai bëri aluzion në rrjetet sociale. Një burrë i moshuar sfidoi protestuesit duke thënë në mikrofon se nuk është për dorëheqjen. Në qytetin bregdetar Varnë një pjesë prej linjave të transportit urban janë me itinerare të ndryshuara për shkak të bllokimit të kryqëzimit para godinës së bashkisë. Në qytetin Pleven për orën 17.30 u shpall një protestë me vetura. Ish eurodeputeti Nikolaj Barekov organizoi protestë para pronës së biznesmenit dhe bos mediatik Ivo Prokopiev në rajonin Buxhaka afër qytetit bregdetar Sozopoll. Ai thekson, se kjo pronë u ndërtua mbi shkëmbinjtë dhe i pengon qasjes së njerëzve deri në bregdet dhe Gjirin e Parajsës, njofton Radioja Kombëtare Bullgare – Burgas.