Shumë njerëz përkrahin protestat antiqeveritare në vend, megjithëqë qëndrojnë në shtëpi. Mirëpo, nuk duhet të përfytyrojmë se ato do të shndërrohen në një energji të madhe politike e cila do të rrëzojë tërë sistemin. Këtë qëndrim e shprehu para Radios Kombëtare Bullgare politologu nga Qendra Analizuese “Trend” Dimitër Ganev. Energjia e protestave do të shtojë votat e partive “Ka popull të tillë” të shoumenit Sllavi Trifonov dhe “Bullgaria Demokratike”, por ndryshim radikal në parlament nuk do të ketë. Problemi është se mungon një alternativë e fortë e qeverisjes së tanishme, gjë që ndihmoi qëndrimin e gjatë të zotit Bojko Borisov në pushtet. Sipas politologut tensioni social do të rritet gjatë dimrit, kur do të hasemi ballë më ballë me pasojat e Covid-19. Përmasa e krizës do të jetë më e madhe se sa kriza globale nga vitet 2008-2009, mendon Ganevi.