Kontrollimi i Prokurorisë zbuloi shumë shkelje në ndërtimin e Parkut “Rosenec” ku është rezidenca verore e Ahmed Doganit dhe në ndërtimin e shtëpisë verore të biznesmenit Ivo Prokopiev në rajonin “Buxhaka” në afërsi të Sozopollit. Pa cituar emra të pronarëve akuza shtetërore njoftoi, se te Rosenec bregu i detit nuk ka statut të plazhit detar dhe nuk ka qasje te ai për shkak të një muri të ndërtuar. Përsa i përket shtëpisë verore në Buxhaka shkeljet lidhen me pishinën përjashta dhe me mospërputhje me Planin të Hollësishëm të Rregullimit. Pranë dy pronave të lartpërmendura kishte protesta para pak kohe – njëra e organizuar nga partia “Po Bullgaria”, ndërsa tjetra nga ish eurodeputeti Nikollaj Barekov. Shkelje ka edhe në objekte në Obzor, por prokuroria nuk njoftoi pronarin e pronës së kontrolluar.