8 kilometrat e para të vijës së tretë të metrosë së kryeqytetit do të vihen në shfrytëzim deri në fund të gushtit siguroi kryetarja e bashkisë së Sofjes Jordanka Fandëkova. Është gati edhe një pjesë tjetër nga 4 kilometra në lagjen “Ovça Kupell” ku do të fillojë sprovimi i trenave. Sipas zonjës Fandëkova pritet që në ato dy pjesa të udhëtojnë afro 110 mijë veta për ditë. Para BNR ajo shtoi, se emisionet e dëmshme që lëshohen për vit do të ulen me më se 11 mijë tonë. Pritet edhe ulja e trafikut me afro 25 për qind. Projekti kushton 498 milion euro – 312 milion prej të cilave janë financim falas nga Komisioni Evropian.