Kryetarja e grupit parlamentar të partisë GERB Daniella Daritkova  ka depozituar në zyrën e Kuvendit Popullor projektin për Kushtetutë të re të Bullgarisë. Dokumenti është i dërguar deri tek kryetarët e të gjitha grupeve parlamentare në Legjislaturën e 44 të Kuvendit Popullor dhe deputetët, të cilët nuk anëtarësojnë në grupe parlamentare. Me këtë partia GERB fton në bisedime dhe konsultime mbi projektin e paraqitur të gjitha grupet parlamentare me qëllim të mund të arrihet një pajtim i gjerë midis përfaqësuesve popullorë për thirrjen e Kuvendit të Madh Popullor  njoftojnë reporterët e Radios Kombëtare Bullgare.

Me ndryshimet nga GERB propozojnë votim elektronik në të gjitha pikat e vendit me më se 300 zgjedhës. Zgjedhësit vet do të vendosin sesi do të votojnë – në mënyrë elektronike ose me buletine prej letre. GERB propozon edhe krijimi i një kapitulli i ri i cili rregullon zhvillimin e zgjedhjeve të përziera për Kuvendin e Madh Popullor me vendosjen e sistemit të përzier zgjedhor – 200 përfaqësues popullor të zgjidhen sipas sistemit proporcional ndërsa 200  - sipas sistemit mazhoritar.