Komisioni kundër Korrupsionit deklaroi se aksioni i protestës këtë mëngjes me në krye lëvizjen civile “BOEC”, që bllokoi godinën e Komisionit, është në shkelje të ligjit.

Kryetari i Komisionit Sotir Cacarov, i cili është ish-kryeprokuror i Bullgarisë, e ka refuzuar takimin me protestuesit për shkak të tonit të tyre ultimativ.

Në përgjigje të akuzës së të pakënaqurve se dhjetëra sinjale të “BOEC” për korrupsion kanë mbetur pa përgjigje, nga Komisioni deklarojnë se që nga fillimi i vitit në Komision janë parashtruar vetëm dy sinjale për korrupsion të personave që zënë pozita të larta. Njëri prej tyre po hetohet, ndërsa mbi tjetrin kontrolli është ndërprerë pasi nga “BOEC” kanë deklaruar se në fakt sinjali nuk është dhënë nga ata.