Pas provës së pasuksesshme për heqjen e kampit me tenda në udhëkryqin para Universitetit të Sofjes, bllokimi në rajon mbetet. Kjo u bë përderisa pjesa e madhe e protestuesve ishin në mitingun para Rezidencës “Bojana” ku u zhvillua Mbledhja Kombëtare e Prokurorëve.

Para dite protestuesit vendosën lule para godinës së administratës së rrethit të Sofjes. Shkasi është publikimi në Facebook i prefektit Ilian Todoroiv me fjalë ofenduese ndaj pjesëmarrësve në demonstratat antiqeveritare. Protestat vazhdojnë mbrëmjen e 47-të. Në kryeqytet mbeten të mbyllura tri udhëkryqe kryesore – në Orllov Most, pranë Universitetit të Sofjes “Shën Klementi i Ohrit” dhe midis Presidencës dhe Këshillit të Ministrave.

Që nga sot 24 gusht të pakënaqurit nga bllokimet e udhëkryqeve në kryeqytet do të mbledhin nënshkrime te shtyllat para Pallatit Kombëtar të Kulturës për dorëheqjen e presidentit Rumen Radev si “përçarës i kombit”.