Për herë të dhjetë të radhës Bashkia Carevo do t’i gëzojë turistët e vet me një supë peshku të freskët, midhje dhe gjellë të tjera detare. Më 6 shtator “Festa Tradicionale e Peshkut Carevo” do t’u propozojë miqve të vet të shumtë të provojnë nga gjellët më të shijshme detare të Detit të Zi Bullgar. Festivali është kthyer në një emblemë për qytetin dhe çdo vit mbyll në mënyrë kulmore stinën aktive verore. Edicioni i sivjetshëm parashikon befasi kulinare dhe gara. Krahas me joshjet prej peshku për qiellzën, organizatorët kanë përgatitur muzikë dhe një gjendje të mirë shpirtërore.
Përgjegjës për dëfrimin e njerëzve në festivalin e sivjetshëm të peshkut është njëri nga grupet më të njohura dhe të dashura muzikore P.I.F. të cilët do të këndojnë këngë të njohura në skenën e posaçme të ndërtuar brenda në det! Festivali do të përfundojë me një fishekzjarr shumëngjyrësh. Carevo është një nga vendet më të njohura për pushime verore nëpër bregdetin tonë jugor. Qyteza pushimore i tërheq turistët me plazhet e veta të shkëlqyera prej rëre, me hotelet e bukura dhe me qetësinë e rrugicave me hije. Çdo vit, posaçërisht për pushuesit, bashkia organizon një program kulturor të përmbushur me ngjarje kulturore.
Foto: BGNES, namoreto.bg
30% e hoteleve në pushimoren Sllënçev Brjagnë Detin e Zi do të hapen më 1 maj. Bëhet fjalë për hotele të kategorisë së lartë për të cilët janë bërë rezervime nga turistë bullgarë, rumunë dhe grekë. “Çmimet e paketave turistike për këtë verë janë..
Shtëpia me ushqimet më të shijshme, banuesit më të rinj dhe eksperiencat më të pazakonta ndodhet në Rodope dhe mban emrin përrallor "Momçill Junak". Deri pak kohë më parë, baza në pronësi të Bashkisë së Smoljanit ishte bosh. Por mbërritën Nikoleta dhe..
Rajoni i malit Stara Pllanina përreth qytetit të Bullgarisë Veriore - Elena gëzon interes të pandërprerë turistik jo vetëm nga bashkatdhetarët tanë, por edhe nga shumë të huaj. Madje disa prej tyre vendosen këtu përgjithmonë, duke u bërë pjesë e..