Këtë ditë kisha nderon martirët e shenjtë Vjara (Besa), Nadezhda (Shpresa) dhe Ljubov (Dashuria) dhe nënën e tyre Sofia, ndërsa kryeqyteti ynë shënon festën e vet.

Me rastin e Ditës së Sofjes Bashkia e Kryeqytetit do të dekorojë personalitetet më të dalluara për arritjet tyre në fushën e kulturës. Krijuesit e dekoruar do të prezantohen në një film të transmetuar nga Televizioni Kombëtar Bullgar. Sonte do të mbahet një koncert klasik në platformën A6 prapa Pallatit Kombëtar të Kulturës. Përveç kësaj do të ekzekutohet muzikë nga muzikantë të ndryshëm në metro. Në rajone të veçanta të Sofjes gjithashtu do të ketë koncerte festive.

Muzeu Regjional Historik, Muzeu nën bazilikën “Shën Sofja”, galeria e Arteve Figurative e Sofjes dhe muzetë e tjerë bashkiakë, si dhe parku “Vrana” dhe Kopshti Zoologjik do të punojnë falas.

Radio “Sofja”, e cila është pjesë e BNR-së dhe feston përvjetorin e vet të 13, do të dalë në rrugë me një studio mobile, që ta ndiejë pulsin e qytetit.