Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në Bullgari vdekshmëria nga Covid-19 po pakësohet

Ministri Angellov: Numri i rritur i mjekëve të infektuar mund të kthehet në një rrezik në rast të rritjes së epidemisë

Foto: BGNES

Bullgaria zë vendin e 25 për nga sëmundja nga koronavirusi dhe vendin e 8 për nga vdekshmëria në Bashkimin Evropian, njoftoi kryeinspektori shtetëror i shëndetësisë Angell Kunçev në brifingun e Shtabit  Operativ Kombëtar. Sipas fjalëve të tij,çdo ditë tek ne ndiqen 23 tregues  mbi bazën e të cilëve merren vendime se çfarë masash të ndërmerren për kufizimin e sëmundjes.Mes tyre janë mosha e të infektuarve dhe sa shpejt arrijnë ata deri tek spitalet. “Mortaliteti bie dhe pak nga pak jemi të shtyrë nga vendi i dytë nga një grup i madh vendesh. Malta është me një mortalitet më të lartë”, saktësoi inspektori i shëndetësisë.

Angjell Kunçev deklaroi seaktualisht situata lidhur me shpërndarjen e Covid-19 nuk është e keqe, por pritet keqësimi i saj në etapa.  “Gjatë ardhjes së valës së dytë në Evropë dhe një rritjeje tek ne, nuk ka sesi të anulojmë situatën e jashtëzakonshme epidemike”, qe më se kategorik ai. Tani për tani sistemi ynë shëndetësor është në gjendje të përballojë numrin e të sëmurëve.

10,5% nga shtretërit për Covid pacientët dhe 4% nga të paracaktuarit për shërim në repartet intensive janë të plotësuar, tha ministri i shëndetësisë Kostadin Angellov. Ai shtoi senumri i pamjaftueshëm i specialistëve mjekësorë dhe numri në rritje i të infektuarve mes tyre mund të kthehet në një rrezik në rast të shpërndarjes së epidemisë.

Nuk ka një numër më të madh të të sëmurëve në kopshtet dhe në shkollat në krahasim me situatën e përgjithshme në vend, u bë e qartë  akoma në brifing. Deri në këtë moment 12 fëmijë në moshën parashkollore janë me koronavirus, numri i nxënësve  është 117, 14 mësues në kopsht dhe 72 në shkollë po kështu kanë dhënë rezultate pozitive. Nën karantinë janë të vënë 4043 nxënës dhe 116 mësues.

Shpërndarja e infektimit mes ushtarakëve tani për tani është nën kontroll, tha shefi i shtabit gjenerali Vencisllav Mutafçijski. Përgjithësisht 96 ushtarakë kanë pasur një farë kontakti me sëmundjen.

Vencisllav Mutafçijski

Gjatë javës së fundit provat pozitive për koronavirus janë shtuar me 1550. 5374 janë rastet aktive. Të infektuarit përgjithësisht deri në këtë moment janë 20 833, 14 634 janë të shëruarit, kurse të vdekurit janë 825.

“Por nuk mundemi gjatë gjithë jetës të jetojmë me masa kufizuese dhe mbyllje, prandaj duhet të krijojmë vese dhe zakone- të mbajmë maska në hapësira të mbyllura, të respektojmë një higjienë dhe dezinfektim, të mbajmë e të respektojmë një distancë sociale dhe fizike prej 1,5 metrash”, këshilloi ministri i shëndetësisë.

Përgatiti në shqip: Nataniela Vasileva

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Fëmijët bullgarë fituan një konkurs në SHBA për të projektuar një koloni hapësinore

Një ekip prej 12 nxënësish bullgarë të klasës së 11-të, i udhëhequr nga Elica Pavllova, fitoi vendin e parë midis pjesëmarrësve nga e gjithë bota në konkursin prestigjioz të projektimit të kolonive hapësinore të organizuar nga Shoqëria Kombëtare e Hapësirës..

botuar më 25-02-10 11.22.PD

Tempulli i Shën Harallambit në Shablla mban të gjallë besimin e brezave

Çdo vit më 10 shkurt, festa e Shën Harallambit, peshkopit të Magnezisë, kremtohet me solemnitet të veçantë në një qytet të vogël, por të bashkuar në dashurinë e tij për Zotin, në pjesën më veriore të bregdetit tonë të Detit të Zi. Për qytetin Shablla..

botuar më 25-02-10 7.30.PD

Biblioteka në Jamboll me fushatën "Le të lexojmë për Bullgarinë"

Me rastin e festës së ardhshme kombëtare - 3 Marsit dhe 147 vjetorit të Çlirimit të Bullgarisë nga sundimi osman, Biblioteka Rajonale në qytetin Jamboll zhvillon fushatën "Le të lexojmë për Bullgarinë". Iniciativa u drejtohet lexuesve të moshës 8 deri në..

botuar më 25-02-09 7.30.PD