Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Teori optimiste për bujqësinë bullgare

Forum ndërkombëtar organizuar nga Instituti i Ekonomisë Agrare

Foto: iae-bg

Menaxhimi i rrezikut në bujqësi është një aspekt i rëndësishëm për zhvillimin e qëndrueshëm të sektorit. Përveç klimës dhe sëmundjeve, të cilat janë rreziqet kryesore në rritjen e bimëve dhe në blegtorinë, një  faktor tjetër hyn në ekuacion – rreziqet e tregut.  Kjo u duk shumë mirë në situatën e pandemisë së Covid-19, kur kishte ndërprerje të furnizimeve dhe vështirësi prodhimi bujqësor për të arritur te konsumatorët .

Tema për përballimin e rreziqeve në bujqësi ishte në qendrën e vëmendjes së Konferencës Ndërkombëtare Shkencore “Bujqësi dhe furnizim me ushqime: tregje dhe politika agrare”. Vitin e shtatë me radhë Instituti e Ekonomisë Agrare e organizon këtë forum. Me edicionin e sivjetshëm ai shënoi edhe përvjetorin e 85-të të themelimit.

Drejtori i Institutit, docent doktor Bozhidar Ivanov në raportin e tij e vuri theksin mbi mënyrën e vlerësimit të rrezikut në bujqësi, duke dhënë si shembull Murtaja Afrikane e Derrave në Bullgari:

“Kur filloi Murtaja Afrikane e Derrave në vitin 2019 Bullgaria ishte vendi i radhës në përhapjen e pandemisë. Humbjet e drejtpërdrejta në rritjen e derrave në Bullgari ishin afro 4 për qind. Duke shtuar edhe humbjet e tërthorta, të cilat maten me këtë se çfarë pjesë nga kafshët riprodhuese u humb dhe nuk do të riprodhohen gjatë viteve të ardhshme, atëherë arrijmë deri në afro 10 për qind.”

Bujqësia bullgare ka të paktën dy faqe – tha në intervistën e tij për Radio Bullgarinë docent doktori Bozhidar Ivanov:

“Bujqësia moderne bullgare e fermerëve të cilët u formuan gjatë 20 viteve të fundit. Për nga mentaliteti i vet ata i afrohen etiketimit modern të bujqësisë, e pikërisht – të interesohen, të aplikojnë, të jenë të zgjuar, sepse vetëm përmes inovacioneve, modernizimit, investimeve në shkencë dhe në dituri, ata mund të jenë konkurrues. Natyrisht gjërat në jetë nuk mund të bëhen me hapa viganë ka një farë  vazhdimësie. Kështu që kemi edhe bujqësi e cila është tradicionale e më pak bujqve të vogël dhe të mesëm. Kur flitet për teknologji dhe inovacione duhet të dihet se ato kanë një çmim i cili nuk është i ulët. Çdo gjë e re kushton shtrenjtë për fermerët dhe shpesh, edhe të dëshirojnë të aplikojnë ndonjë novitet duke ditur se çfarë përfitimesh do t’u sjell atyre është e vështirë për ta që ta blejnë.”

Në ç’shkallë bujqësia mund të ndikojë mbi politikën regjionale  të vendit?

“Synimi është që të ketë zhvillim të ekuilibruar territorial kështu që t’i jepet fund migrimit, pra dëshirës së njerëzve të jetojnë në qytetet e mëdha ku ofrohen gjithnjë e më shumë mundësi për realizim personal. Bujqësia vazhdon të jetë një pjesë e rëndësishme e jetesës veçanërisht në zonat rurale ku zë të paktën 50 për qind nga veprimtaria ekonomike. Bujqësia është një degë e rëndësishme në rajonet malore dhe të larta malore si dhe në zonat e populluara pak ku mungon ndonjë mundësi tjetër.”

Cili është skenari optimist për fshatin bullgar?

“Mendoj që në të ardhmen teknologjitë, modernizimi, aftësia e njeriut për t’u realizuar  profesionalisht dhe personalisht, pa nevojën të jetojë në qytetin e madh do të bëhet shkak që njerëzit të kthehen në fshatrat. Por kjo nuk do të ndodhë në kohë të afërt dhe gjatë 10-20-30 viteve të ardhshme. Mirëpo, nuk duhet të lejojmë që deri atëherë fshatrat të zhduken, sepse do të vijë momenti i migrimit të kundërt.”

Përgatiti në shqip: Svetllana Dimitrova

Foto: Ivo Ivanov


Последвайте ни и в Google News Showcase, за да научите най-важното от деня!

Më shumë nga rubrika

“Allianz Trade”: Bullgaria do të jetë ndër ekonomitë me rritjen më të shpejtë në Evropën Qendrore dhe Lindore

Rritja vjetore e Prodhimit të Brendshëm Bruto të vendit tonë do të mbetet në një nivel prej mbi 3% në periudhën 2025-2027, parashikon siguruesi i kredive tregtare “Allianz Trade” në raportin e tij, raporton BTA. Kjo do të thotë që ekonomia bullgare do..

botuar më 25-10-22 2.56.MD

Punësimi në Bullgari është ndër më të lartët në BE, por mbi 1 milion njerëz nuk punojnë

Deri më 31 dhjetor 2024, numri i personave në moshë pune në Bullgari ishte 3 765 000, që përbën 58.5% të popullsisë së vendit. Nga këta, 1 970 000 janë burra, ndërsa 1 795 000 janë gra. Këtë e bëri të ditur nënkryetari i Institutit Kombëtar të..

botuar më 25-10-22 11.12.PD

Bullgaria mbetet ndër vendet e BE-së me borxhin më të ulët

Ministria e Financave më 21 tetor mori një borxh të brendshëm dhe shiti letra me vlerë shtetërore në shumën prej 300 milionë leva (145 milionë euro) me afat maturimi pas 3 vitesh. Gjatë vitit 2025, shteti mori një borxh të brendshëm prej 3 miliardë..

botuar më 25-10-22 9.33.PD