Teste të shpejta të antigjenit për Covid-19 do të realizohen në pikat e lëvizshme para spitaleve të mëdha shtetërore. Pritet që të tilla të hapen deri më 6 nëntor. Këtë e tha para gazetarëve ministri i shëndetësisë Kostadin Angellov, cituar nga BGNES.

Në këto pika do të ketë një ekip prej mjekësh dhe infermieresh për konsultime të njerëzve që kanë nevojë por nuk mund të frekuentojnë mjekun e tyre personal. Kështu këta pacientë do të konsultohen me kohë dhe do të jenë në gjendje të bëjnë teste të shpejta të antigjenit.

“Ideja është që një numër maksimalisht i madh të bëjnë teste të tilla që të orientohemi se çfarë është situata në vend”, shpjegoi ministri i shëndetësisë.