Akoma mungon një politikë unike evropiane në fushën e shëndetësisë dhe BE do të kishte vlerë të shtuar në se koordinonte vendet anëtare në pandeminë, tha para RKB eurodeputeti Andrej Kovaçev.

I pyetur nëse do të ketë pasaporta evropiane të imunizimit për udhëtim të lirë të njerëzve me vaksinë antivirale, Kovaçev komentoi se ende nuk ka një formë të vetme udhëtimi në BE. "Kjo sigurisht nuk mund të jetë një politikë evropiane, sepse BE nuk ka kompetenca të tilla. Shtetet anëtare mund të vendosin kufizime”, theksoi Kovaçev.

Lidhur me dyshimet dhe rezistencën kundër vaksinimit masiv, Kovaçev vuri në dukje se "nevojitet një fushatë informacioni absolutisht transparente për secilën prej vaksinave me të dhëna të sakta shkencore".