Ky është një nga vendet më piktoreske tek ne, që fillon të grumbullojë një popullaritet të gjerë mes adhuruesve të fotografisë. Lumi Arda është lumi më i madh në malet Rodopi dhe dega e dytë më e madhe e lumit Marica pas Tunxhës. Në rajonin e qytetit Kërxhali lumi formon gjarpërime të bukura. Këtu natyra është e ruajtur shumë mirë, kurse fshatrat e vogla të shpërndara nëpër kreshtat e maleve Rodopi kanë ruajtur pamjen e vet autentike. Në një video-reklamë të Ministrisë së Turizmit, të bërë bashkërisht me Shoqatën e Operatorëve Turistikë në Bullgari, prezantohen bukuritë  e këtij skaji të paprekur nga turizmi në masë. Shikoni videone cila i kushtohet njërit prej vendeve më të bukura në Bullgari - rruga e lumit Arda në Rodopet Lindore.