Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dita e Shën Ignat Hyjmbajtësit – të tërheqim të mirën dhe të përgatitim fillimin e ri

Foto: arkiv

Dita e dëshmorit të shenjtë Ignat Hyjmbajtësi, sipas kalendarit të kishës, është në 20 dhjetor, por kur data bie të dielën siç është sivjet, festa zhvendoset një ditë më parë. Ja përse këtë vit ajo kremtohet më 19 dhjetor.

Në kalendarin popullor kjo ditë njihet si Ignazhden. Ditën e Shën Ignat Hyjmbajtësit fillon kalimi te viti i ri. Dita është plotë ndalime, parashikime dhe rite që duhet të tërheqin forcat e mira dhe të përgatitin fillimin e ri. Ditën Ignazhden nuk jepen para, nga shtëpia nuk nxirret asgjë, ndërsa çdokush që hyn duhet të jetë me duar të plota. Me rëndësi më të madhe këtë ditë është se kush do të hyjë së pari në shtëpi. Ky njeri në bullgarisht quhet “pollaznik”. Në se njeriu i parë i cili hyn në shtëpi është me shëndet të plotë, ka familje të mirë dhe të bashkuar, është njeri i pasur dhe me kësmet, ai do të sjellë mirëqenie në shtëpi.

“Mundohej nëna e Zotit nga dita e Shën Ignatit deri në Krishtlindje” – ky është motivi kryesor i shumë këngëve popullore. Sipas besimit popullor dhimbjet e lindjes së Shën Marisë fillojnë pikërisht në ditën e Shën Ignat Hyjmbajtësit. Prandaj gratë nuk punojnë këtë ditë. Gjellët përgatiten në vigjiljen e festës.

Në ditën e Shën Ignatit bëhet një darkë me tymosje. Tymosja kryhet vetëm në festa të mëdha, kur tryeza është njëkohësisht festive dhe përkujtimore. Sipas besimit popullor, në ditën e solsticit të dimrit (22 dhjetor) lind dielli i ri, Zoti i Ri. Një nga simbolet materiale të diellit dhe Zotit në përfytyrimet tradicionale të bullgarit është buka, e cila zë vend të rëndësishëm në të gjitha ritet popullore. Cilat janë bukët rituale që ishin përgatitur dikur në dhjetë ditët e fundit të vitit, do të mësoni nga botimi Bukët e ritit nga Dita e Shën Ignat Hyjmbajtësit deri në Krishtlindje nga koleksioni i Radio Bullgarisë.





Последвайте ни и в Google News Showcase, за да научите най-важното от деня!

Më shumë nga rubrika

Një tramvaj retro falas i çon banorët dhe mysafirët e Sofjes rreth qendrës së kryeqytetit

Me rastin e 124 vjetorit të vënies në lëvizje të tramvajit të parë në Sofje më 14 janar 1901, Transporti Elektrik Metropolitan dhe Ndërmarrja Komunale "Turizëm" (Vizitoni Sofjen) organizojnë një udhëtim falas në një tramvaj retro. Gjatë turneut,..

botuar më 25-01-14 1.27.MD

Romët festojnë Vasilica - Vitin e Ri sipas stilit të vjetër

Romët në vendin tonë kremtojnë festën Vasilica ose Bango Vasili fjalë për fjalë Vasili i çalë, i njohur ndryshe edhe si Viti i Ri i Romëve, njofton Fondacioni “Amalipe”. Sipas traditës, festa vazhdon tri ditë, duke filluar nga nata e 13 duke u gdhirë..

botuar më 25-01-14 6.10.PD

Dita e Gjyshes: Kur tradita na lidh me rrënjët e jetës

Sot është Dita e Gjyshes (Babinden) - një nga festat më të dashura dhe autentike bullgare, me rrënjë të thella në traditën popullore. E festuar më 8 janar sipas stilit të ri, ajo u kushtohet grave që ndihmuan nuset e reja gjatë lindjes – gjyshet-mami...

botuar më 25-01-08 5.40.PD