“Na trajtojnë si pronarë të mbartësve të infeksioneve, të cilët ne duam t’i vendosim në shkollë, që të përhapin sëmundje”, deklaroi para BNR-së Hristina Domozetova, një prej iniciatorëve të letrës së hapur, të cilën disa prindër dhe ekspertë ia dërguan pushtetarëve.

Ata mendojnë se “ka mungesë dialogu dhe dëshire për zhdërvjelltësi në vendimet e institucioneve”. Sipas të gjithëve të cilët e kanë nënshkruar letrën duhet të kalohet drejt formave hibride të mësimdhënies, të analizohet se ku mund të mësohet në distancë – në cilat klasa dhe vende.

Duhet gjithashtu të shqyrtohet se pse nuk është e mundur që mësuesit, të cilët tashmë e kanë kaluar sëmundjen, të frekuentojnë shkollën, ku të japin mësime, nënvizoi Hristina Domozetova. Ajo theksoi idenë për dërgimin në shkollë të mësuesve – vullnetarë, sipas shembullit të mjekëve.