Sot në të gjithë vendin është në fuqi një kod i verdhë paralajmërues për reshje të konsiderueshme, kurse në 5 zona të Bullgarisë Jugore dhe Juglindore kodi është portokalli. Aty priten sasi më të mëdha shiu. Reshjet do të vazhdojnë deri në të mërkurë - të enjte, pas së cilës pritet një rrënje e menjëhershme e temperaturave.

Ndaj momentit një sërë vendesh të populluara në rrethin e qytetit Vidin dhe në rajonin e qytetit Montana janë pa korrent ose kanë probleme me furnizimin me energji elektrike, njoftoi Borisllava Llukanova nga kompania e shpërndarjes së energjisë elektrike CEZ, e cila furnizon me korrent Bullgarinë Perëndimore. Për shkak të situatës së keqësuar meteorologjike dhjetëra familje në Vraca dhe Mezdra janë pa energji elektrike që nga mbrëmja e kaluar. Reshjet intensive prej shiu dhe një dëborë e lagësht ditën e diel shkaktuan formime prej akulli në shumë vende në rajon.

Bashkia e qytetit Trën shpalli një gjendje fatkeqësie, pasi lumi Erma doli nga shtrati i tij në tokën e qytetit Trën dhe përmbyti shtëpitë dhe oborret.

Degë të rëna dhe gurë vështirësojnë lëvizjen e automobilave nëpër rrugët e rajoneve të ndryshme të vendit. Reshjet e mëdha të borës mbyllën edhe Qafën e Petrohanit. Një nga mëngët e lumit Iskar  doli nga shtrati i tij dhe përmbyti një urë në zonën e qytetit të Novi Iskar. Gjatë incidentit janë të përmbytura dhe automobila. Në sajë të reagimit të shpejtë të shërbimit lokal të urgjencës dhe të vullnetarëve u mor një ndihmë në kohë dhe askush nuk u lëndua.