Zgjerimi i BE-së drejt Ballkanit Perëndimor akoma është në rendin e ditës, por kjo nuk do të ndodhë “nesër”, tha ambasadorja e Portugalisë në Bullgari Anna Maria Ribeiro da Silva. Në një diskutim mbi presidencën portugeze të Këshillit të BE, da Silva shpjegoi: “Zgjerimi është në rendin e ditës, por shenja inkurajuese duhet t'u jepen vendeve që kanë përmbushur kriteret”.

“Ne jemi gati të punojmë për të arritur një kompromis”, tha Ministrja e Jashtme Ekaterina Zaharieva. “Shpresojmë që kur të kalojnë masat në lidhje me COVID dhe emocionet të mos jenë aq të forta, pasi ne në Ballkan jemi shumë emocionalë, fokusi do të përqendrohet në diskutime konstruktive”, theksoi Zaharieva të cituar nga sajti dnevnik.bg.

Më vonë Ministrja e Jashtme Ekaterina Zaharieva foli në telefon me homologun e saj portugez, Augustus Santos Silva. Gjatë bisedës ajo shprehu përkrahjen e Sofjes për përparësitë e Presidencës Portugeze të BE-së. Të dy diskutuan edhe luftën kundër Covid-19, zgjerimin e BE dhe çështjeje të tjera kryesore në axhendën e komunitetit, njoftoi MPJ. Zaharieva theksoi, se motoja e zgjedhur nga presidenca portugeze vjen shumë në kohë “Është koha për veprim, është koha për rezultate”. “Kjo është pikërisht ajo që qytetarët tanë presin”, nënvizoi Zaharieva.