Nëse ka një ideal i cili bashkon të gjithë bullgarët, atëherë do të thoshim pa hezitim se ky është Apostulli. Personaliteti i Vasill Levskit na preokupon si askush tjetër, ndërsa fëmijët që në moshë të vogël janë të mahnitur nga guximi, vetëmohimi dhe atdhedashësia e tij.
Ndershmëria e jashtëzakonshme e Levskit është një tipar tjetër i karakterit të tij. Gjithmonë ka menduar për të gjithë shokët e tij të përkushtuar atdheut si për njerëz të barabartë dhe asnjëherë nuk e ka përdorur përparësinë, të cilën pozita e tij të udhëheqësit revolucionar i ka dhënë – mendon Viktor Kombov, studiues i veprës së Apostullit. “Idetë e tij janë në të vërtetë të pastra dhe të shenjta. Ka ëndërruar për një “republikë demokratike në të cilën të gjithë popujt të jetojnë sipas të njëjtit ligj, në paqe dhe mirëkuptim” – nënvizon historiani, i cili pak më shumë se dy vjet më parë bëri një zbulim që provokoi një sensacion të vërtetë. Gjatë një udhëtimi të shërbimit shkencor në Arkivin Shtetëror në Stamboll zbuloi një fotografi të Levskit të panjohur të studiuesve të veprës së tij. Supozohet se kjo ishte fotografia me të cilën Vasill Ivanov Kunçev kërkohej në Perandorinë Osmane. Më shumë për këtë zbulim mund të lexoni në botimin e Radio Bullgarisë “Imazhi i Apostullit të Lirisë Vasill Levski vazhdon të na befasojë dhe të na emocionojë”.
Gjatë veprimtarisë së tij aktive dhjetëvjeçare revolucionare (1862-1872) Levski krijoi një rrjet të fshehtë të komiteteve revolucionare, për punën e të cilave duheshin vende të fshehta (mbi 100 vende fshehje), shumica e të cilave ishin në manastire. Përveç se fshihte Levski dhe bashkëmendimtarët e tij, vëllazëria e murgjve gjithashtu mbështetej aktivitetet e tyre revolucionare me fonde personale. Ka shumë tempuj dhe manastire në trojet bullgare, të cilat mbajnë të pakapshëm kujtimin e Apostullit. Sot, adhuruesit e besimit dhe lirisë ndalen aty me nderim. Botimi i Radio Bullgarisë “Nëpër vendet e shenjta të Apostullit” na çon në disa nga ato vende.
Përpilues: Elena Karkallanova
Përgatiti në shqip: Svetllana Dimitrova
Dita e Shën Dhimitrit, më 26 tetor, festohet në të gjithë Bullgarinë, ndërsa lipsanet e tij, që ruhen në Selanik, janë një objekt i përhershëm pelegrinazhi për bullgarët që shpesh udhëtojnë drejt Greqisë Veriore. Në kalendarin popullor bullgar, Dita..
Për të tretin vit radhazi, fondacioni “Karin Dom” – Varna po organizon iniciativën bamirëse “Çmimet Ivan Stançov” në kujtim të diplomatit bullgar dhe themeluesit të organizatës – ambasadorit Ivan Stançov, njoftoi organizata civile. Më 23 tetor do..
Nga 22 deri më 28 tetor, qyteti i Vidinit shndërrohet në një skenë të artit, krijimtarisë dhe frymëzimit, për të nderuar Festën Shpirtërore të qytetit – Ditën e Shën Dhimitrit (Dimitrovden). Programi i pasur i festivalit të ri “Ditët e Tetorit..
Pjesërisht me re