Deputetët nuk e mbështetën propozimin e deputetëve nga Partia Socialiste Bullgare që parlamenti të detyrojë qeverinë të “ndërmarrë të gjitha veprimet e nevojshme” për të siguruar vaksinën ruse “Sputnik – V” për qytetarët bullgarë. Pushtetarët redaktuan tekstin dhe vendimi vetëm e detyron kabinetin të fillojë “konsultime në kohë me Komisionin Evropian për të studiuar mundësinë e blerjes së vaksinave në lidhje me pandeminë Covid-19, të cilat janë të miratuara për përdorim në vendet jashtë BE ose Zonës Ekonomike Evropiane”. Kështu, autorizimi për përdorimin e vaksinës ruse në Bullgari do të varet nga miratimi i Agjencisë Evropiane të Barnave, njoftoi BTA.