Gratë në Bullgari marrin mesatarisht 14 për qind paga më të ulëta se burrat. Kjo e rendit vendin tonë në “mjedisin e artë” në këtë tregues, midis vendeve anëtare të BE – tha para BNR Ivajllo Dinev nga Instituti për Kërkime Sociale dhe Sindikale pranë Konfederatës së Sindikatave të Pavarura në Bullgari. Diferenca e pagave do të shkrihet vetëm në shekullin e ardhshëm, për shkak të ritmit të ngadaltë me të cilin po rriten – 3 për qind për 10 vitet e fundit. Pagesa e pabarabartë gjithashtu çon në ndryshime në pensione, gjë që i vë gratë në rrezik më të madh të varfërimit. Sipas statistikës së Konfederatës së Sindikatave të Pavarura në Bullgari, 59 për qind e grave në pension rrezikojnë të bien në varfëri, ndërsa për burrat kjo shifër është 43 për qind.