Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Objektet emblematike arkeologjike bullgare janë pjesë e një fushate reklamimi në internet

Perperikon
Foto: BGNES

Pas fushatës së suksesshme të dikasterit turistik bashkë me Shoqatën e Ciceronëve për popullarizimin e skajeve shumë pak të njohura në Bullgari, tani po i vjen radha trashëgimisë kulturore-historike. Dikasteri po fillon një iniciativë të re. Ajo ka për qëllim të tërheqë vëmendjen drejt disa prej objekteve tona më emblematike arkeologjike.

Fushata parashikon përgatitjen e gjashtë videove të shkurtra në gjuhën bullgare dhe angleze me një informacion kureshtar për fenomenet në fjalë nga epokat e ndryshme. Videot do të shpërndahen nëpër mediat sociale dhe kanalet e internetit me idenë të mund të ndahen nga miliona përdorues brenda dhe jashtë vendit. Nga Ministria e Turizmit shpresojnë se, online iniciativa do të inkurajojë udhëtimet dhe jashtë stinës aktive të verës.

Profesori Nikollaj Ovçarov dhe Mariana Nikollova

Fytyra e fushatës është profesori Nikollaj Ovçarov, i cili është një nga arkeologët tanë më të dalluar, i njohur tek ne si “Indiana Xhounsi Bullgar”. Ai do të prezantojë kureshtjet arkeologjike emblematike dhe sipas fjalëve të zëvendës kryeministres Mariana Nikollova, “me ndihmën e tij do të krijohet një produkt të një cilësie më të lartë, i cili do të popullarizojë pasuritë e Bullgarisë dhe do të tërheqë më shumë vizitues në rajonet e vendit”.  Tre nga videot tani janë gati dhe janë të shpërndara në internet. Ju propozojmë që t’i shikoni:  

Perperikon

Një qytet i lasht shkëmbor, i cili ka funksionuar pothuajse pa ndërprerje deri në Mesjetë dhe është i mbështjellë në mistere dhe mite. Gjendet në Rodopet Lindore dhe është i përbërë prej një vendi të shenjtë megalitik, monumente nga antikiteti dhe një kala mesjetare. Gjatë shekujve Perperikon ka qenë i populluar prej trakëve, romakëve, gotëve kurse më vonë  dhe nga bullgarët.

Akoma për Perperikonin shikoni në publikimin e Radio Bullgarisë.

Shikoni videon:

Misionis

Një qytet i lashtë, i zbuluar shumë afër qytetit të sotëm Tërgovishte. Mbase emri i qytetit Misionis do të thotë Mizia. Bëhet fjalë për kryeqytetin e Provincës Lindore Romake me të njëjtin emër gjatë shekullit të 5-6. Sipas arkeologëve  mezi 1% nga i gjithë qyteti është zbuluar. Në një nga bazilikat ata ndeshen me një dysheme të ruajtur mirë që përpara 1 500 vjetëve, si dhe të një froni, nga i cili janë zhvilluar shërbesat kishtare.

Akoma për Misionis shikoni në publikimin e Radio Bullgarisë:

Shikoni videon:

Vishegrad

Një kështjellë mesjetare e cila është duke u shkatërruar në Rodopet Lindore në afërsi të qytetit Kërxhali. Ajo duhet të restaurohet dhe të përshtatet për vizita turistike. Në disa vende, muret janë të ruajtura me një lartësi deri më 7 metra dhe gjerësi 1.75 metra. Kalaja daton mbase nga shekujt e 12-13 dhe është e lidhur me ngjarje shumë të rëndësishme historike.

Shikoni videon:

Përpiloi: Veneta Nikollova

Përgatiti në shqip: Nataniela Vasileva





Последвайте ни и в Google News Showcase, за да научите най-важното от деня!

Më shumë nga rubrika

Hekurudha e Ngushtë e Rodopeve hyn në një renditje prestigjioze të turizmit të vjeshtës

Hekurudha me binarë të ngushtë e Rodopeve është emëruar si një nga udhëtimet më piktoreske me tren të vjeshtës në botë, sipas një sondazhi të ri ndërkombëtar të kryer nga platforma britanike e udhëtimit JR Pass. Linja e famshme hekurudhore që..

botuar më 25-10-09 10.23.PD
Disa nga manastiret shkëmbore në zonë janë të arritshme për turistët

Lugina e murgjve – nëpër gjurmët e kishave shkëmbore në rajonin Pollomie

Në verilindje të Bullgarisë, lumi Rusenski Llom dhe degët e tij – Çerni, Beli dhe Mallki Llom – kanë skalitur një peizazh shkëmbor të ashpër me shpella të fshehura dhe lugina të qeta, ku jehon vetëm kënga e zogjve. Në këto kanione, gjatë shekujve, janë..

botuar më 25-10-07 7.50.PD
Biblioteka Nevena Kokanova në fshatin Iglika

Fshati prej guri Iglika ruan kujtimin për legjendën e kinemasë Nevena Kokanova

E quajnë “Foleja prej guri” e Ballkanit, për shkak të shtëpive dhe mureve të bukura prej guri, që qëndrojnë të qeta në përqafimin e malit. Në Iglika, jeta rrjedh qetë dhe pa zhurmë, larg rrëmujës së shekullit XXI. Vetëm rreth 15 kilometra larg..

botuar më 25-10-06 7.00.PD