Salla më e madhe sportive në vendin tonë do të ndezë dritat e saj festive për të mirëpritur elitën e gjimnastikës ritmike botërore nga 26 deri më 28 mars.
Gjashtëdhjetë e një gjimnaste individuale dhe 11 ansamble nga 35 vende do të garojnë për çmimet e Kupës Botërore në Sofje. Ky është një nga pak turnet e gjimnastikës ritmike që zhvillohet që nga fillimi i pandemisë së koronavirusit.
“Gara është jashtëzakonisht e rëndësishme sepse është një kualifikim për gjimnastet individuale për Lojërat Olimpike”, tha Maria Petrova kampionia tre herë e botës dhe aktualisht nënkryetare e Federatës Bullgare të Gjimnastikës Ritmike. - Kupa e Botës do të mbahet në përputhje të plotë me udhëzimet e Inspektoratit Rajonal të Shëndetësisë - nuk do të lejohet që të ketë publik, arbitrit do të ndahen me mure me pleksiglas, turmat do të shmangen, vajzat nuk do të qëndrojnë gjatë në të njëjtën qilim. Në përgjithësi, ne po hyjmë në një epokë të re në të cilën duhet të përballemi dhe të vazhdojmë të jetojmë.”
Mjerisht, përveç tensionit nga gara e madhe gjimnastet do të duhet të përballojnë edhe barrierën psikologjike krijuar nga qetësia dhe zbrazëtia në sallë.
“Kur nuk ka publik, garat zhvillohen në një mënyrë krejt tjetër - thekson Maria Petrova. - Prandaj u thashë trajnerëve tanë që të jenë të përgatitur për diçka ndryshe dhe të çuditshme.”
Pavarësisht që fillimisht të gjitha gjimnastet e shquara deklaruan se do të mbërrijnë në Bullgari u bë e qartë se në Sofje nuk do të garojnë - rusët Dina dhe Arina Averini, Katerina Galkina nga Bjellorusia, ekipi i parë i ansamblit rus, si dhe ata nga Italia, Ukraina dhe Shtetet e Bashkuara. Vendi ynë do të përfaqësohet nga Borjana Kalein dhe Katrin Taseva, të cilat një javë më parë demonstruan formë të mirë dhe ndanë medaljet e arta të veglave të Kampionatit Shtetëror “Zhulieta Shishmanova”, dhe ansamblin e yjeve - Simona Djankova, Llaura Traats, Madlen Radukanova, Stefani Kirjakova dhe Erika Zafirova. Ato të gjithë tashmë kanë fituar kuotat e tyre për Lojërat Olimpike të Tokios.
“Duket se konkurrenca do të jetë shumë e fortë - është kategorike Maria Petrova. - Për garën individuale po vijnë Anastasia Sallos dhe Alina Harnasko nga Bjellorusia, kampionia e Evropës Linoj Ashram nga Izraeli, Milena Baldasari dhe Sofia Rafaeli nga Italia, ansambli i Japonisë, i cili është pretendues për medalje, si dhe ai i Bjellorusisë. Prania e Rusisë në garat individuale do të mungojë, por ajo do të marrë pjesë me ansamblin e vet.”
Si në çdo garë tjetër edhe në Kupën e Botës gjimnastet bullgare i vendosën vetes qëllimin më të lartë - medaljet e arta. Sipas Maria Petrova, vajzat bullgare nuk kanë as trauma, as ndonjë pasojë si rezultat i pandemisë dhe ekzistojnë të gjitha parakushtet për të lumturuar tifozët e tyre bullgarë.
A mund të përmirësohet forma e tanishme e mirë e gjimnasteve bullgare deri në Lojërat Olimpike?
“Fakti që nuk kishte gara dhe përgatitja nuk ishte e rregullt, u bë shkak për motivimin e tyre më të vështirë - thotë Maria Petrova. - Sidoqoftë, vitin e kaluar u mbajt Kampionati Evropian në Kiev (Ukrainë) me pjesëmarrjen e tyre, tani Kupa e Botës, një tjetër ka për tu zhvilluan në Tashkent (Uzbekistan), një garë në Pesaro (Itali) dhe në qershor Kampionati Evropian në Varna (Bullgari).
Të gjitha ato gara do të ndihmojnë gjimnastet bullgare të përmirësojnë formën e tyre. Natyrisht që këtu e tutje olimpiada është qëllimi i fundit dhe shpresojmë që forma e tyre të arrijë kulmin e saj.”
Gara për Kupën Botërore të Gjimnastikës Ritmike në Sofje do të transmetohet në një nga televizionet kombëtare nga salla “Arena Armeec”.
Përgatiti në shqip: Svetllana Dimitrova
Foto: Facebook /@BGRGfederation dhe BGNES
Një orë përpara se Petër Stojçev të mbërrinte në Japoni për maratonën përfundimtare të notit në ngushticën Cugaru të serisë Oceans Seven, pati një tërmet me magnitudë 7.1 dhe një tajfun. Pritej gjithashtu një cunami. “Japonia ishte një udhëtim shumë..
Kombëtarja bullgare fitoi titullin e Kampionatit Ballkanik të Volejbollit për meshkuj nën 20 vjeç, i cili u mbajt në Varniaçka Banja të Serbisë. Në finale volejbollistët bullgarë mundën vendasit me rezultat 3:1 (25:17, 22:25, 25:23, 25:21). Të..
Një nga tre kampionët olimpik të Bullgarisë në Paris, Karlos Nasar, u prit solemnisht në tokën bullgare pas medaljes së tij të jashtëzakonshme të artë në kryeqytetin francez. 20-vjeçari bullgar u ngjit në majën olimpike në kategorinë deri në 89 kg..
Federata Bullgare e Peshëngritjes ka shpallur falimentimin e vet për shkak të borxheve të mëdha. Peshëngritësit Karlos Nasar dhe..
Më shumë se 6000 vrapues do të marrin pjesë në edicionin e 41-të të Maratonës Wizz Air Sofia, njoftuan organizatorët e garës në një konferencë shtypi..