Bullgaria do të aplikojë gjithashtu vaksinën Johnson & Johnson

Vaksina me dozë të vetme Johnson & Johnson do të përdoret në Bullgari pa kufizime. Kjo u njoftua nga Kryeinspektori Shëndetësor Shtetëror Angell Kunçev në një brifing pas një takimi të Shtabit Kombëtar të Vaksinimit. Ai kujtoi se shtabi ishte duke pritur për vendimin e Agjencisë Amerikane të Barnave, i cili është pozitiv. Ndërkohë, 7 shtete të tjera evropiane vendosën të aplikojnë këtë vaksinë

Kunçev njoftoi se një sasi e caktuar e vaksinës me një dozë të vetme do t’u drejtohet të punësuarve në sektorin e turizmit përpara sezonit turistik veror, si dhe popullatës rome.

Në javët e ardhshme do të ketë kryesisht furnizime të vaksinave RNA, tha në brifingun drejtori i Agjencisë së Barnave Bogdan Kirillov.

Po vëzhgohet ulje e konsiderueshme e interesit ndaj vaksinimit

Po vëzhgohet ulje e interesit ndaj vaksinimi, tha para programit "Horizonti" të Radios Kombëtare Bullgare dr. Georgi Mindov, kryetar i Shoqatës së Mjekëve të Përgjithshëm të Sofjes.

Kjo po ndodh në sfondin e vaksinave të disponueshme të "Moderna" dhe "Astra Zeneca", shtoi dr. Mindov. Ka tre aplikantë për Pfizer në listën e mjekut të përgjithshëm, por atij po i mungojnë tre të tjerë për të hapur një flakon. Nga pacientët e tij të vaksinuar me dozën e parë të Astra Zeneca, nuk ka zbaticë për dozën e dytë. Në të njëjtën kohë nuk ka asnjë pyetje rreth “Jansen” ose “Sputnik”. 

U konstatua një ulje e re e të infektuarve dhe e të vdekurve gjatë 24 orëve të fundit

400 janë rastet e reja të koronavirusit në 24 orët e fundit, sipas të dhënave zyrtare. Pak më shumë se 7.33% e 5445 testeve të kryera janë pozitive. Rastet më të reja janë në qytetin e Sofjes – 151, në rrethet e Varnës  –  50, Plovdiv  –  28 dhe Burgas dhe në rrethin e Sofjes  –  25 në secilin prej tyre.

56 650 janë të sëmurët aktivë. 8080 janë pacientët e shtruar në spital. 746 prej tyre trajtohen në njësitë e kujdesit intensiv. 48 njerëz vdiqën me koronavirus të konstatuar. 557 janë të kuruarit në 24 orët e fundit.

Në harkun e shënuar kohor prej 24 orësh janë dhënë 2070 vaksina. Dozat totale të vendosura tashmë janë 723 240. 163 966 njerëz tashmë janë imunizuar me 2 doza.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpiloi: Joan Kolev dhe Ekipi "Lajme"

Përgatiti në shqip: Stafi i Redaksisë së Gjuhës Shqipe