Për ne bullgarët 24 maj është një nga ditët më të ndritshme të vitit. Kjo është festa e lartësimit shpirtëror, e synimit drejt përsosjes nëpërmjet arritjeve të shkencës dhe të kulturës. Në këtë ditë kremtojmë veprën e të dy arsimtarëve sllavë Shenjtorët Kirill dhe Metodij, vepër kjo e cila respektohet në të gjithë botën e krishterë.
Në shekullin e IX Vëllezërit e Selanikut zhvillojnë një veprimtari prej misionari duke përhapur fenë e krishtere. Ata hodhën themelet e alfabetit sllav, i cili i dha shtytje serioze zhvillimit kulturor të popujve sllav. Konstantin-Kirill Filozof arriti të krijojë një sistem të të shkruarit, i cili në mënyrë maksimale pasqyronte veçoritë e fjalimit sllav. Kundrejt çdo tingulli ai e vuri shkronjën përkatëse. Në shumë aspekte ai i dha kuptim simbolik alfabetit të parë – atij gllagollik, sepse ai është i përbërë nga elementet e shenjta të krishterimit – kryqi, rrethi si simbol i përsosmërisë dhe trekëndëshi si simbol i Trinisë së Shenjtë. Kjo, sipas specialistëve, është një përkushtim i koduar në këto elemente – të cilat vjen të sugjerojnë se alfabeti duhet të shërbejë për të përhapur Fjalën e Zotit në mesë të sllavëve. Kjo është arsyeja për krijimin e një qëndrimi specifik të nderimit ndaj këtij shkrimi e deri më sot.
Në ditët tona germat me të cilat që nga mosha më e njomë shkruajmë dhe lexojmë, sjellin gëzim dhe kënaqësi nga dija, nëpërmjet tyre krijojmë dhe formojmë trashëgiminë tonë kulturore për brezat që vijnë pas. Prandaj këtë ditë ne kremtojmë edhe kulturën, arsimit dhe shpirtin bullgar.
Për herë të parë sivjet pas një vendimi të Legjislaturës së 44 të Kuvendit Popullor, në vend “Ditë e arsimit dhe kulturës bullgare dhe e shkrimit sllav”, 24 maj shënohet si “Dita e Vëllezërve të Shenjtë Kirill dhe Metodij, e alfabetit, arsimit dhe kulturës bullgare dhe e letërsisë sllave”.
Më shumë për thelbin e kësaj feste të ndritshme për çdo bullgar mund të lexoni në botimin “24 maji – festa e mësuesve dhe edukatorëve të parë sllavë” nga koleksioni i Radio Bullgarisë.
Përpilues: Veneta Nikollova
Përgatiti në shqip: Svetllana Dimitrova
Mbrëmjen e 22 shtatorit filloi Viti i Ri Hebraik – Rosh Hashana. Sipas kronologjisë së Torës, nisi viti 5786 nga krijimi i botës. Sipas besimit hebraik, në këtë ditë Zoti krijoi njeriun e parë, Adamin. Sipas traditës hebraike, në dhjetë ditët që..
Për herë të parë, Himni i Pavarësisë u dëgjua më 22 shtator 1908 në qytetin bregdetar të Detit të Zi, Burgas. Autori i melodisë dhe tekstit – dirigjenti ushtarak Georgi Shagunov – ka shënuar në faqen e parë të partiturës se himni është shkruar dhe..
Nga 19 shtatori, për një muaj, qielli mbi Shkëmbinjtë e Bellogradçikut do të mbushet me balona shumëngjyrëshe dhe magji. Edicioni i pestë i “Festa e Balonave” premton pesë fundjava, gjatë të cilave mund të shijoni tre lloje fluturimesh, si dhe dhjetëra..
Pjesërisht me re