Plani i Rimëkëmbjes dhe Qëndrueshmërisë është ende në proces, tha para bTV Zëvendëskryeministri i përkohshëm për fondet e BE-së Atanas Pekanov. Këtë vit ai pret që vendi të marrë deri në 13% prej mjeteve të parashikuara në plan. "Ne jemi në proces negociatash dhe koordinimi midis anëtarëve të rinj të kabinetit që ta përdorim këtë resurs në mënyrën më të mirë," tha Zëvendëskryeministri, duke kujtuar se plani është një mekanizëm i ri. Nëse projektet dhe reformat e planifikuara nuk zbatohen, nuk do të ketë para. Plani ka 12 komponentë dhe 36 reforma në fusha të ndryshme, tha Zëvendëskryeministri. Pekanov komentoi se nëse paqëndrueshmëria politike nuk zgjerohet në paqëndrueshmëri ekonomike, nuk do të ketë vonesë në procesin e anëtarësimit në eurozonë.