Presidenti Rumen Radev dhe delegacioni bullgar u pritën nga Papa Françesku në Vatikan. Mysafiri i dhuroi Atit të Shenjtë një triptik me ikona nga Shkolla e pikturimit e qytetit Trjavna, transmetoi korrespondentja e BNR Mira Radeva. Papa Françesku i dërgoi mesazh Bullgarisë dhe bullgarëve për shëndet, mirëqenie dhe arsimim. Presidenti u takua gjithashtu me Sekretarin e Shtetit të Vatikanit Kardinalin Pietro Parolin. Në Bibliotekën Apostolike Presidenti shikoi fragmente të historisë më të vjetër të Bullgarisë, të shkruar më shumë se 350 vjet më parë nga Kryepiskopi Petër Bogdan Bakshiç. Në kodrën e pasardhësve të Garibaldit, delegacioni bullgar vendosi kurora me lule përpara monumentit të kapedanit Petko Vojvoda. Në Romë, Radev dhe Presidenti maqedonas Stevo Pendarovski së bashku do të nderojnë veprën e vëllezërve të shenjtë Kirill dhe Metodij.