Sindikatat nga Termocentrali shtetëror me qymyr “Marica Lindje 2”paralajmërojnë se së shpejti mund të organizojnë protesta dhe greva për të mbrojtur funksionimin e centralit. Në një letër të hapur, ata shprehën shqetësimin në lidhje me transferimin e planifikuar të termocentralit në tregun e lirë, pasi kostoja e energjisë elektrike të prodhuar në të është shumë e lartë.

Sipas rregullatorit energjetik çmimi shitës i këtij termocentrali është 210 leva (107 euro) për megavat-orë, që është 76 për qind më i shtrenjtë se çmimi i energjisë elektrike për shtëpi dhe e bën energjinë elektrike nga termocentrali të pa shitur. Sindikatat theksojnë se nëse nuk merren masa, ekziston rreziku që Termocentrali “Marica Lindje 2”të ndalojë punën gjë që mund të çojë në një mungesë të energjisë elektrike në rajon.