Prioritetet e politikës së jashtme të Bullgarisë janë të pandryshuara. Këtë e deklaroi Ministri i Jashtëm i përkohshëm Svetllan Stoev përpara trupit diplomatik në Sofje. Votimi jashtë vendit, ku do të ketë një rekord 800 seksionesh dhe vazhdimi i politikës aktuale euro-atlantike, janë përparësitë kryesore të njoftuara nga Ministri Stoev.

85 ambasadorë shtetëror dhe përfaqësues të organizatave ndërkombëtare morën pjesë në takimin në rezidencën Bojana. Para tyre, Stoev tha: “Mandati i qeverisë së përkohshme është i kufizuar dhe shpresoj që pas zgjedhjeve në fund të gushtit të ketë një kabinet të ri dhe do të keni mundësinë të takoheni me Ministrin e ri të Punëve të Jashtme. Por mund t’ju siguroj se prioritetet tona të politikës së jashtme do të mbeten të njëjtat.”