Për rastin e parë të variantit indian të koronavirusit në Bullgari njoftoi Qendra Kombëtare e Sëmundjeve Infektive dhe Parazitare. Mostra është e një pacienti nga Pleven, një burrë i ri me të drejtë qëndrimi të përkohshëm në vend. Ai nuk deklaroi një udhëtim jashtë vendit, kishte ankesa për temperaturë, gulçimë dhe dhimbje gjoksi. Ai nuk u shtrua në spital dhe po merr trajtim në shtëpi.

Varianti indian i koronavirusit i quajtur “delta” përmban dy mutacione të kombinuara, gjë që e bën atë më ngjitës, por jo shqetësues sipas Organizatës Botërore të Shëndetësisë (OBSH). Prof. Mihail Okoliyski, përfaqësues i OBSH-së në Bullgari, tha para bTV se vaksinimi kundër Covid-19 mbron nga varianti “Delta” dhe u bëri thirrje njerëzve që të imunizohen nëse nuk e kanë bërë këtë.