Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shihni sa do t’ju kushtojë një çadër dhe një shezlong këtë verë

Foto: BGNES

Në kulmin e verës ia kthejmë shikimin drejt Detit të Zi bullgar me vijën e tij të gjatë të plazheve të bukura me rërë, të cilat ofrojnë kushte të mrekullueshme për banja diellore dhe detare. Sa do t’ju kushtojë në ditë të merrni me qira çadër dhe shezlong këtë verë?

Kontrollimi i ekspertëve të Ministrisë së Turizmit gjatë muajit të fundit vendosi, se nga 132 plazhe detare gjithsej, mbi 10 plazhe ofrojnë çadra dhe shezlongje falas gjatë kësaj stine. Kjo do të thotë se nuk do të keni kosto shtesë nëse i zgjidhni këto vende për pushimet tuaja.

Cilat prej plazheve bullgare janë falas këtë verë?

Bëhet fjalë për plazhin jugor pranë Shkorpillovci, për plazhet “Riviera” dhe “Bunite 2” pranë Varnës, “Obzor Motela” në pushimoren Obzor, “Burgas – Veri” dhe “Burgas – Qendër” në qytetin Burgas dhe plazhin qendror të qytetit Ahelloj.

Dhe më shumë: çadra dhe shezllongje falas mund të gjeni në jug të Burgasit, e pikërisht në plazhin “Atanasovska kosa”, plazhin qendror të qytetit Carevo dhe plazhin në kampingun e afërt “Nestinarka”. Zona me çadra dhe shezlongje falas ka edhe në vende të tjera, por tani për tani ato nuk hyjnë në statistikën e Ministrisë së Turizmit.


Nga 2 deri në 10 levë do t’ju kushtojë çadra dhe shezlongu në 73 plazhe bullgare. Sidoqoftë, në disa vende, komoditeti i plazhit mund të dalë i “kripur”. Për shembull, nëse vendosni të pushoni në “Bozhurec-Topolla” afër qytetit Kavarna, do t'ju duhet të paguani 25 leva në ditë për një çadër dhe një shezlong.

Plazhet e ruajtura bullgare pa çadra dhe shezlongje këtë verë janë 4. Këto janë Plazhi i Peshkatarit pranë Varnës, “Batovski”, i vendosur midis vendpushimeve Allbena dhe Kranevo, plazhi “Pishina Minerale – Jug” në vendpushimin “Konstantin dhe Elena” dhe “Sozopoll - Pjesa Perëndimore 2”. Atje mund të futni në mënyrë të sigurt çadrën tuaj personale dhe të shtrini një peshqir në rërën e imët për të shijuar flladin e detit.

Ku dhe sa kushton të merrni me qira një çadër dhe një shezlong në bregdetin tonë, mund të shikoni në hartën interaktive të azhurnuar vazhdimisht të Ministrisë së Turizmit.

Përpilues: Veneta Nikollova

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Biblioteka Nevena Kokanova në fshatin Iglika

Fshati prej guri Iglika ruan kujtimin për legjendën e kinemasë Nevena Kokanova

E quajnë “Foleja prej guri” e Ballkanit, për shkak të shtëpive dhe mureve të bukura prej guri, që qëndrojnë të qeta në përqafimin e malit. Në Iglika, jeta rrjedh qetë dhe pa zhurmë, larg rrëmujës së shekullit XXI. Vetëm rreth 15 kilometra larg..

botuar më 25-10-06 7.00.PD

Plovdiv me një atraksion të ri – një orë antike uji mat kohën në Sahat Tepe

Në majën e kodrës Sahat Tepe në Plovdiv , këto ditë u përurua një orë e lashtë uji – klepsidër, e rikonstruktuar sipas modeleve antike. Kjo është e vetmja orë e tillë e vendosur në ambient të hapur në Bullgari, dhe tashmë është atraksioni më i ri..

botuar më 25-10-05 7.10.PD

Uji mineral dhe turizmi – burimi i jetesës në qytetin Devin sot

Devin - "qyteti i ujërave minerale", ndodhet në një nga rajonet më piktoreske të Bullgarisë - i fshehur në pjesën jugperëndimore të vargmalit më të gjerë bullgar, Rodopet, përgjatë lumit Vëça. Në afërsi të tij ndodhen dhjetëra monumente natyrore dhe..

botuar më 25-09-30 7.15.PD