Bullgaria është e gatshme të inkurajojë kompanitë që investojnë në kapital njerëzor për të zgjeruar praninë e tyre në vend, tha Presidenti Rumen Radev në takime me përfaqësues të Amazon dhe Google. Gjigandët teknologjikë janë ndër mbi 400 pjesëmarrësit në forumin ndërkombëtar të biznesit në Sofje, i cili zhvillohet në kuadrin e iniciativës “Tre Dete”.

Të rinjtë bullgarë fitojnë çmime në konkurset ndërkombëtare në matematikë, fizikë dhe linguistikën kompjuterike. Ne duam të zhvillojmë një mjedis i cili t’i lejojë për të zhvilluar këtu, tha Presidenti. Kreu i Shtetit theksoi gjithashtu zhvillimin dhe vendosjen e Bullgarisë si "kryeqyteti" i teknologjive të informacionit në Evropën Juglindore dhe një nga destinacionet kryesore për zhvillimin e startupeve.

Amazon dhe Google kanë shprehur interes për zhvillimin e projekteve të përbashkëta. Platformat e Google të përdorura në Bullgari për mësimin në distancë në shkollat e mesme gjatë pandemisë kanë provuar tashmë efektivitetin e tyre, tha kompania.