Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Temë nga rrjeti evropian „Euranet Plus“

Ka mbi 100 projekte bullgaro-greke në kuadër të programit evropian të bashkëpunimit ndërkufitar

Bashkëpunimi midis Bullgarisë dhe Greqisë në kuadër të programit evropian të bashkëpunimit ndërkufitar INTERREG filloi në fund të viteve 1990 me programin INTERREG I (1990-1993). Periudha e fundit programore INTERREG V-A 2014-2020 u miratua nga Komisioni Evropian në dhjetor 2016 dhe disponon rreth 110 milion euro nga Fondi Evropian i Zhvillimit Rajonal (85%), dhe rreth 19 milion euro pjesëmarrje kombëtare të të dy vendeve (15%).

Zona në të cilën zhvillohet veprimtaria e Sekretariatit të Përbashkët të Programit Evropian INTERREG Greqi-Bullgari është Greqia Veriore dhe Bullgaria Jugore, më konkretisht nga ana greke rrethet e Evros, Kavala, Ksanthi, Rodopis, Drama, Selanik dhe Serres, dhe nga ana bullgare - Bllagoevgrad, Smoljan, Kërxhali dhe Haskovo. Bashkëpunimi ndërkufitar midis Bullgarisë dhe Greqisë përkon me programin e Bashkëpunimit Territorial Evropian (ETC) dhe mbulon një sipërfaqe prej mbi 40 000 km katror dhe 2 700 000 banorë.


Në çfarë mase ndikoi pandemia e Covid-19 në punën mbi programin e bashkëpunimit ndërkufitar midis Bullgarisë dhe Greqisë? Kësaj pyetjeje i përgjigjet Dimitrios Papatanasiou, Koordinator i Sekretariatit të Përbashkët të Programit Evropian INTERREG Greqi-Bullgari:

“Ne në një shkallë të madhe monitorojmë zbatimin e projekteve që  financojmë në distancë dhe komunikojmë përmes video konferencave me Komisionin Evropian, autoritetet në Bullgari dhe kontraktorët. Por që nga marsi i vitit 2020 duhej të përshtateshim plotësisht me kushtet e reja të jetesës dhe punës në mënyrë që të mbrojmë shëndetin tonë, por edhe atë të të tjerëve. Fatkeqësisht, disa nga bashkëpunëtorët tanë vdiqën, disa të tjerë u sëmurën dhe munguan, kjo na ndikoi psikologjikisht, por gjithashtu pengoi aktivitetet tona praktike. Ato përfshijnë financimin e më shumë se 100 projekteve që zhvillojnë konkurrencën, inovacionin dhe korridoret e transportit, mbrojnë mjedisin dhe trashëgiminë kulturore, kontribuojnë në integrimin shoqëror dhe përmirësojnë kujdesin shëndetësor. Ne u kushtojmë vëmendje të veçantë projekteve që mbrojnë nga përmbytjet dhe atyre për ndërtimin e vendkalimit të ri kufitar midis Bullgarisë dhe Greqisë "Ksanthi-Rudozem". Në sektorin e ndërmarrjeve, për herë të parë u financuan projekte private të kompanive në të dy anët e kufirit, të zgjedhura në bazë të konkurrencës. Këto janë 35 kompani, kryesisht në fushën e turizmit, industrisë përpunuese, energjisë së rinovueshme dhe kujdesit shëndetësor. Prioriteti ynë më i rëndësishëm është të zbatojmë projektet në kohë dhe brenda buxheteve të alokuara, si dhe të përgatitemi për të propozuar periudhën e re të programimit 2021-2027. Është gjithashtu e rëndësishme për ne që të organizojmë ngjarje për të prezantuar rezultatet e aktiviteteve tona për publikun e gjerë, por gjatë pandemisë ky aktivitet kryesisht kaloi në internet.”

Dimitrios Papatanasiou

“Programi kryesor evropian për promovimin e bashkëpunimit territorial midis rajoneve kufitare INTERREG tashmë ka një histori 30-vjeçare, por situata pandemike ka shtyrë disa nga ngjarjet në lidhje me përvjetorin. Sidoqoftë, partnerët nga Bullgaria dhe Greqia parashikojnë disa iniciativa tradicionale në të dy anët e kufirit në 2021”:

“Nëse sivjet zhvillohet Ekspozita Ndërkombëtare në Selanik, ne do të marrim pjesë. Shpresojmë që në Ditën e Bashkëpunimit Evropian (21 shtator) të organizojmë tradicionalisht gara ose dhurime gjaku, me pjesëmarrjen e qytetarëve të të dy vendeve ose me ngjarje paralele në të dy anët e kufirit.”

Përgatiti në shqip: Vesella Mançeva

Foto: arkiv dhe arkiv personal


Последвайте ни и в Google News Showcase, за да научите най-важното от деня!

Më shumë nga rubrika

Kristalina Georgieva

FMN riemëroi Kristalina Georgieva si drejtoreshë menaxhuese

Kristalina Georgieva mbetet në krye të Fondit Monetar Ndërkombëtar (FMN) për një mandat të dytë pesëvjeçar. "Bordi i dha një vlerësim të lartë znj. Georgievës gjatë mandatit të saj në trajtimin e një sërë çështjesh të mëdha globale," tha Bordi..

botuar më 24-04-13 12.54.MD

Komisioni Evropian do të zhvillojë fushata informuese për futjen e euros

Zëvendëskryeministrja në detyrë dhe ministrja e financave Ljudmilla Petkova, zëvendëspresidenti i Komisionit Evropian Valdis Dombrovskis dhe Komisioneri Evropian për Ekonominë Paolo Gentiloni nënshkruan në Luksemburg një Marrëveshje Partneriteti..

botuar më 24-04-12 11.34.PD
Bojko Borisov

Bojko Borisov: Shumë para u shpenzuan ilegalisht

“Shumë para u shpenzuan në mënyrë të paligjshme, gabimisht, duke shpërfillur raportin e Fondit Monetar Ndërkombëtar dhe thirrjet e jokoalicionit për të shpenzuar me mençuri”, komentoi lideri i GERB-it, Bojko Borisov për gazetarët në Kuvendin Popullor...

botuar më 24-04-11 11.01.PD