Më shumë se 920 milion euro janë parashikuar për arsimin dhe shkencën në Planin Kombëtar të Bullgarisë për Rimëkëmbjen dhe Qëndrueshmërinë, të cilin vendi do t'ia dërgojë Komisionit Evropian për miratim. Prioritetet kryesore në sektor janë krijimi deri në vitin 2026 i të ashtuquajturit ambient STEM (Science - Technology - Engineering - Mathematics / Shkencë - Teknologji - Inxhinieri - Matematikë) në të gjitha shkollat, modernizimi dhe ndërtimi i institucioneve të reja arsimore, përfshirë kopshte fëmijësh në bashkitë ku nuk ka vende të mjaftueshme, si dhe ndërtimi iqendrave për zhvillimin personal të studentëve dhe të të rinjve. Është planifikuar gjithashtu të financohen aktivitete shkencore dhe inovative në Akademinë Bullgare të Shkencave dhe në universitete kërkimore.