Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bota laramane e artit bullgar të qëndisjes merr jetë në Samokov

Foto: Muzeu Historik Kombëtar

Në mes të verës, Borovec pret mysafirët e tij me shtigje të shënuara mirë të cilët çojnë te sekretet e malit Rilla. Por në se doni të gërshetoni pushimet tuaja malore me turizmin kulturor ju rekomandojmë të vizitoni qytetin Samokov i cili shtrihet nja 10 kilometra larg pushimores.

Disa ditë më parë në Galerinë e Arteve “Prof. Vasill Zahariev” u hap një ekspozitë interesante të Muzeut Historik Kombëtar e cila prezanton para vizitorëve botën shumëngjyrëshe të qëndismave bullgare titulluar “Arti bullgar i qëndisjes”. Në të prezantohen 32 eksponate të tekstileve të ripunuara nga fillimi i shekullit XX. Ato janë të punuara si mbulesa tavoline, jastëk, çanta dhe lloje të tjera tekstili për dekorimin e shtëpisë dhe ndërthurin në mënyrë artistike ornamentikën e pasur të qëndisjes nga rajone të ndryshme etnografike – Samokov, Dupnica, Sofija, Pleven, Maqedoni.

Krijimi i të ashtuquajturve tekstile të ripunuara mbi bazën e shfrytëzimit dytësor të elementeve nga veshja autentike është pjesë e stilistikës së përgjithshme evropiane të secesionit. Kjo tendencë depërton edhe në Bullgari në fillim të shekullit XX, gjë që duket edhe në punimet e paraqitura tekstile që përmbajnë elemente origjinale qëndisjeje nga kohërat më të vjetra.


Ndër eksponatet dallohen mbulesat e bukura me ornamentikën nga rajonet e qyteteve Samokov dhe Dupnica. Disa prej tyre janë të lidhura me familjen e haxhi Vëllço nga qyteti Bansko, i cili ishte dhurues i manastireve Zografski dhe Hilendarski. Një admirim ngjall mbulesa e punuar me 25 mëngë të qepura të këmishëve të qëndisura të grave nga rajoni i Sofjes, të dhuruar në fondin e Muzeut Historik Kombëtar nga pallati mbretëror.

Ekspozita “Arti bullgar i qëndisjes” do të mbetet në Galerinë e Arteve “Prof. Vasill Zahariev” në qytetin Samokov deri në fund të gushtit.

Përpilues: Veneta Nikollova

Përgatiti në shqip: Svetllana Dimitrova

Foto: Muzeu Historik Kombëtar



Последвайте ни и в Google News Showcase, за да научите най-важното от деня!

Më shumë nga rubrika

Vallet bullgare e ndezën atmosferën në Durrës në "Mbrëmjen e Kulturës së Bullgarisë"

Edicioni i tretë i festivalit "Mbrëmja e Kulturës së Bullgarisë - 2025" në qytetin e Durrësit, Shqipëri, u zhvillua në një atmosferë të mrekullueshme festive. Kjo u njoftua në Facebook nga Ambasada e Republikës së Bullgarisë në Tiranë. Valltarët nga..

botuar më 25-08-11 4.52.MD
Foto: Muzeu Etnografik pranë Akademisë Bullgare të Shkencave (arkiv)

Tre ditë, gjashtë skena dhe mbi 7000 pjesëmarrës – Koprivshtica bashkon amatorët më të mirë nga Bullgaria

Zemra dhe ritmi i shpirtit bullgar – me këto fjalë mund ta përkufizojmë në mënyrë metaforike Tubimin Kombëtar të Artit Popullor Bullgar. Tradicionalisht që nga viti i largët 1965, eventi organizohet një herë në pesë vjet në fundjavën e parë të gushtit..

botuar më 25-08-07 7.45.MD

Turistë nga SHBA-ja, Kanadaja dhe Australia njihen me magjinë e traditës bullgare

Dashuria për folklorin bullgar bashkon turistë nga tre kontinente në një tur kulturor të rajonit të Silistrës. Një nga ndalesat për mysafirët nga SHBA-ja, Kanadaja dhe Australia, të tërhequr nga magjia e traditës bullgare, është fshati Profesor..

botuar më 25-08-06 3.52.MD