Suksesi i negociatave për një qeveri të re u vu në dyshim pasi partia “Ka një popull të tillë” (ITN) doli me një deklaratë çuditërisht të mprehtë drejtuar bashkimit “Bullgaria Demokratike” (DB) dhe koalicionit “Ngrihu.BG! Ne po vijmë!”. Të dy formacionet u akuzuan se po përpiqen për të imponuar emrat e ministrave, gjë që, sipas partisë ITN, i bën zgjedhjet e reja më të mundshme. Nga ana e tyre, udhëheqësit e dy formacioneve, Hristo Ivanov dhe Maja Manollova, i bënë thirrje ITN për të dalluar më qartë nga GERB dhe DPS. “Sovrani ka vendosur kështu - ka parti të tilla në parlament, partia politike ITN është në radhë të parë dhe do të jetë shumë e vështirë të formohet një qeveri. Ne bëmë gjithçka të nevojshme për të pasur bisedime me të gjitha partitë politike pa GERB para syve të gazetarëve dhe para publikut”, shkroi udhëheqësi i ITN ,Sllavi Trifonov, në Facebook.

Duke komentuar debatin, udhëheqësja e BSP Kornelija Ninova paralajmëroi se zgjedhjet e reja nuk janë një zgjidhje e mirë për vendin dhe nuk përmbushnin pritjet e njerëzve.