Në takimin e dytë të negociatave për formimin e qeverisë së re, të shpallur nga "Ka një popull të tillë" (ITN) - me "Bullgarinë Demokratike", ishin të pranishëm nënkryetarët e grupit parlamentar Cecka Baçkova dhe Vlladislav Panev, i cili është gjithashtu bashkëkryetar i formacionit.

Kryetari i grupit, Hristo Ivanov, nuk ishte i pranishëm. Pas bisedimeve, Vlladislav Panev tha se grupi parlamentar i "Bullgarisë Demokratike" do të diskutojë kabinetin e propozuar në mbledhjen e tij sot.

"Është herët të themi nëse do ta mbështesim kabinetin e propozuar," tha ai. Panev shtoi se partia ITN ka paraqitur pa detaje përparësitë në programin e saj të qeverisjes - reformën gjyqësore, arsimin dhe politikën sociale.

Pas negociatave me ITN, kryetarja e grupit parlamentar të "BSP për Bullgarinë" Kornelija Ninova gjithashtu deklaroi se nesër në Këshillin Kombëtar BSP do të vendosë nëse do të mbështesë kabinetin e propozuar nga ITN. Ajo tha se hapi tjetër në negociatat me ITN është gjetja e një forme të mbështetjes politike midis politikave të dy partive.