Kryeministri në detyrë Stefan Janev nuk përjashtoi mundësinë që Bullgaria të kërkojë ndihmë për shuarjen e zjarreve në vend përmes mekanizmit evropian. Në Parlament Janev tha se vendi aktualisht ka një helikopter për të shuar zjarret në pyje dhe brenda dhjetë ditësh do të disponojmë akoma dy helikopterë të tjerë.

Tani për tani lufta kundër zjarreve do të jetë vetëm nga toka, dhe aviacioni do të përdoret vetëm në zonat më të rrezikuara. Për momentin nuk ka zjarre të pakontrolluara, tha drejtori i Drejtorisë së Përgjithshme të Sigurisë kundër Zjarreve, Kryekomisari Nikollaj Nikollov. "Jemi në pritje që të fryjë një erë e fortë në Bullgarinë Perëndimore, gjë që do ta komplikojë shumë situatën," shtoi Nikollov.