Tre faktorë kanë motivuar vendimin e ish-drejtorit të përgjithshëm të Radios Kombëtare Bullgare, Andon Baltakov, për të dhënë dorëheqjen. Në një intervistë për gazetën “Dnevnik”, ai sqaroi se e para është lidhur me sigurinë e tij personale dhe një orvatjeje për ta kërcënuar atë - duke u kthyer nga një shërbim në provincë në qershor, ai ka gjetur hapa me baltë në korridorin e banesës së tij në Sofje. Balltakov e ka informuar në telefon Ministrin e Brendshëm në detyrë Bojko Rashkov, dhe më pas Kryeministrin Stefan Janev, por nuk ka pasur reagim. Dy faktorët e tjerë janë orvatjet prej disa muajsh për të sabotuar punën e tij, si dhe mungesa e mbështetjes profesionale të kolegjit gazetaresk në vendin tonë për atë që bën.