“Një kërkesë për dëgjimin e Prokurorit të Përgjithshëm në një seancë të jashtëzakonshme ose një kërkesë për një raport mbi raste të veçanta do të shkelë parimin e ndarjes së pushteteve dhe do të minojë pavarësinë e pushtetit gjyqësor.” Këtë e njoftoi për BTA kryeprokurori Ivan Geshev në lidhje me seancën e jashtëzakonshme të Kuvendit Popullor të thirrur nesër mbi temën e dhunës policore në protestat në vitin 2020. Kryetarja e Kuvendit Popullor Iva Miteva tha para bTV se është e mundur të kërkohet dëgjimi i prokurori në Komisionin e Çështjeve Juridike, nëse komisionet formohen deri të mërkurën. “Sipas Kushtetutës, unë nuk kam as të drejtën as detyrimin të kontrolloj raste specifike, apo edhe më pak vendimet e magjistratëve”, shtoi Ivan Geshev.