Pasardhësit e Petër Dënovit – themelues i një doktrine fetare filozofike të quajtur Vëllazëria e Bardhë Botërore sot festojnë Vitin e Ri Diellor. Tubimi i Vëllazërisë së Bardhë filloi para disa ditësh në rajonin e Shtatë Liqeneve të Rilës. Si çdo vit kulmi i tij është më 19 gusht. Pasardhësit e Dënovit besojnë se në këtë datë lindja e diellit ka aftësi magjike. Sipas tyre, njeriu që takon rrezet e para të diellit në këtë datë lartë në male, ngarkohet me energji dhe shëndet për 12 muajt e ardhshëm.

Në këtë ditë, ata kryejnë ritualin “Panevritmija” pranë liqenit “Bëbreka” (Veshkë), ku mblidhen edhe shumë turistë. Panevritmija kombinon muzikën, lëvizjen, mendimin dhe fjalimin në një tërësi harmonike, të cilën Peter Dënov e krijonte në vazhdim të shumë viteve. 28 ushtrime kryhen në një rreth – në më të jashtmin vallëzojnë fillestarët ndërsa brenda janë muzikantët dhe më të përparuarit. Gjatë ritualit, i cili zgjat rreth dy orë, të gjithë janë të veshur me të bardha. Qëllimi i vallëzimit është që njerëzit të bashkohen me natyrën.