Shoqata civile “Ta mbajmë shkollën si qendër për fëmijë” organizon sot në orën 18 pasdite një protestë para ndërtesës së Ministrisë së Shëndetësisë në Sofje, kundër mësimit në distancë. Në një letër të hapur drejtuar Kryeministrit, Presidentit, Kryetarit të Kuvendit Popullor dhe Avokatit të Popullit të Bullgarisë, përfaqësuesit e nismës theksojnë se për shkak të pandemisë nevojat e fëmijëve neglizhohen dhe nënçmohen sistematikisht dhe interesat e tyre sakrifikohen. Kjo është arsyeja pse prindërit, mësuesit, profesorët universitarë dhe shkencëtarët e bashkuar bëjnë thirrje për një reagim urgjent dhe të përbashkët nga ana e institucioneve për sigurimin e mësimit në dhomat e klasës gjatë vitit të ri shkollor, si në vende të tjera të botës.