Liderja e Partisë Socialiste Bullgare /BSP/ Kornelija Ninova tha para Parlamentit se nuk po merr përkrahje nga të ashtuquajturat "Parti të protestës" për të formuar kabinetin e ri. Arsyeja e vetme për të mos kthyer menjëherë mandatin dorëzuar nga presidenti është aktualizimi i buxhetit të shtetit.

Ajo paraqiti një propozim për të shpejtuar votimin e tij duke shkurtuar afatet dhe u bëri thirrje partive në Kuvendin Popullor të marrin përgjegjësinë. Sipas Ninovës, nëse deputetët punojnë jashtë orarit, azhurnimi mund të miratohet në leximin e dytë të martën.

Mirëpo, pak më vonë pas debateve të nxehta në sallën plenare shumica hodhi poshtë propozimin për afat të shkurtuar midis dy leximeve të ndryshimeve në buxhet.